کپتانی کا فیصلہ جلد بازی میں نہیں کیا جائے گا: پی سی بی

کھیل
4
0
sample-ad

اہور: پاکستان کرکٹ بورڈ نے واضح کیا ہے کہ کپتانی کے فیصلے کے بارے میں‌ جلدی بازی نہیں کی جائے گی.

تفصیلات کے مطابق ایم ڈی پی سی بی وسیم خان نے میڈیا سے گفتگو کرتے ہوئے کہا کہ کپتان کے مستقبل کا فیصلہ دو اگست کی میٹنگ میں نہیں ہوگا.

وسیم خان نے کہا کہ سری لنکا کے خلاف سیریز ستمبر کے آخرمیں ہے، ابھی جلدی نہیں، اس اجلاس میں ہیڈ کوچ، اسٹاف اور سلیکشن کمیٹی پر تجاویز ہوں گی، ہمیں‌ صرف کارکردگی کا جائزہ لینا ہے، پھر فیصلے کرنے ہیں.

وسیم خان نے کہا کہ پاکستان ٹیم کی کارکردگی درمیانے درجےکی ہے، تسلسل نہیں، امام الحق سے بات ہوئی، وہ معافی مانگ رہے تھے کہ غلطی ہوئی، امام الحق نے بتایا کہ معاملہ غلط فہمی پربڑھا ہے، امام الحق کو بتا دیا ہے پی سی بی اب کیا معیار چاہتا ہے۔

انھوں نے کہا کہ پی ایس ایل جنرل کونسل کی میٹنگ جلد بلا رہے ہیں، فرنچائزکے ساتھ مل کرپلاننگ کررہے ہیں، فرنچائزنے سرمایہ کاری کی ہے، ان کے خدشات دورکریں گے، فرنچائز کے ساتھ لانگ ٹرم تعلق قائم کرنے پرسوچ رہے ہیں.

وسیم خان نے کہا کہ کرکٹ کی بہتری کے لئے آیا ہوں، میرا کوئی سیاسی بیک گراؤنڈ نہیں، میرے خلاف پروپیگنڈا کیا جارہا ہے، غلط حقائق بیان کیے جا رہے ہیں.

ڈومیسٹک کرکٹ لاگو کرنے کے لئے آئین میں ترامیم کی ضرورت ہے، اس ضمن میں وزیرا عظم کی طرف سے جواب کا انتظار ہے، ترامیم کے بعد کھلاڑیوں کے تحفظات بھی دور کریں گے.

ایم ڈی پی سی بی وسیم خان نے کہا کہ انضمام الحق نےاچھاکام کیاانہیں سراہاجانا چاہیے.

Comments

sample-ad

Facebook Comments

POST A COMMENT.