Home / تازہ خبر / فضل الرحمان سمجھدار انسان ہیں

فضل الرحمان سمجھدار انسان ہیں

وفاقی وزیر مذہبی امور نور الحق قادری کا کہنا ہے کہ فضل الرحمان سمجھ دار انسان ہیں وہ بند گلی کی طرف نہیں جائیں گے۔میڈیا سے بات کرتے ہوئے وزیر مذہبی امور نور الحق قادری کا کہنا تھا کہ جے یو آئی (ف) سے اچانک مذاکرات ملتوی کرنے کی وجہ رہبر کمیٹی سے رائے لینا تھی، مولانا فضل الرحمان نے رہبر کمیٹی سے رائے کی غرض سے بات چیت ملتوی کرائی اور اپوزیشن کی رہبر کمیٹی کے رہبر بھی مولانا فضل الرحمان خود ہیں۔نور الحق قادری کا کہنا تھا کہ فضل الرحمان سمجھ دار انسان ہیں وہ بند گلی کی طرف نہیں جائیں گے، ہمیں امید ہے دھرنے کی نوبت نہیں آئے گی اور مذاکرات کے ذریعے بہتری کی امید ہے، پاکستان کے لیے جو بہتر ہوگا وہی اقدام کریں گے، انتظامی معاملات انتظامیہ اپنے طور پر طے کرتی ہے، آزادی مارچ کے حوالے سے صوبائی حکومت کی الگ اور مرکزی حکومت کی الگ حکمت عملی ہے۔اپوزیشن کو دھرنے کے لیے کینٹینر فراہم کرنے کے وعدے کے سوال پر وفاقی وزیرنے مسکراتے ہوئے کہا کہ اس کنٹینرز کو زنگ لگ گیا وہ اب زنگ آلود ہوچکا ہے۔

About admin

Check Also

سیکرٹری جنرل اقوام متحدہ پاکستان پہنچ گئے، سیاسی و عسکری قیادت سے ملاقاتیں طے

اسلام آباد: اقوام متحدہ کے سیکرٹری جنرل انتونیو گوتریس پاکستان پہنچ گئے، اعلیٰ سیاسی اور …

Leave a Reply

Your email address will not be published. Required fields are marked *

%d bloggers like this: