8

سانحہ ساہیوال کے باعث تاحال صدمے سے دوچار ہوں، وزیراعظم

اسلام آباد: وزیراعظم عمران خان نے سانحہ ساہیوال کی شدید مذمت کرتے ہوئے کہا ہے کہ اس کے باعث تاحال صدمے سے دوچار ہوں، بچوں کی آنکھوں کےسامنے ان کےوالدین کو گولیاں ماری گئیں۔
اپنے ٹویٹ میں سانحہ ساہیوال پر وزیراعظم عمران خان نے گہرے دکھ کا اظہار کرتے ہوئے کہا کہ ان بچوں کی کیا حالت ہو گی جنہوں نے اپنے والدین کو اپنے سامنے فائرنگ کا نشانہ بنتے دیکھا، کوئی بھی والدین ایسی صورتحال کے تصور سے پریشان ہو جائے کہ اس کے بچوں کے سامنے ایسا ہو۔

Imran Khan

@ImranKhanPTI
اگرچہ کاؤنٹر ٹیررازم ڈیپارٹمنٹ دہشت گردی کیخلاف نمایاں خدمات سرانجام دے چکا ہے تاہم قانون کی نگاہ میں سب برابر ہیں۔ مشترکہ تحقیقاتی ٹیم کی رپورٹ آتے ہی اس کی روشنی میں سخت کارروائی کی جائے گی۔ اپنے تمام شہریوں کا تحفظ حکومت کی ترجیح ہے۔

Imran Khan

@ImranKhanPTI
سہمے ہوئے بچوں، جن کے والدین کو انکی آنکھوں کے سامنے گولیوں سے بھون ڈالا گیا کو دیکھ کر ابھی تک صدمے میں ہوں۔ اپنے بچوں کے بارے میں ایسی صدمہ انگیز صورتحال کے تصور ہی سے کوئی بھی والدین پریشان ہوجائیں گے۔ ریاست اب ان بچوں کا ذمہ لےگی اور انکی مکمل دیکھ بھال کرے گی۔

12.8K
10:53 PM – Jan 19, 2019
Twitter Ads info and privacy
6,015 people are talking about this
وزیراعظم عمران خان نے بچوں کی دیکھ بھال ریاست کی جانب سے کرنے کا اعلان بھی کیا اور کہا کہ اب ریاست کی ذمہ داری ہے کہ بچوں کی دیکھ بھال کرے۔

وزیراعظم نے کہا کہ ہر شہری کی حفاظت حکومت کی ذمہ داری ہے، جے آئی ٹی رپورٹ آنے پر ذمہ داروں کے خلاف سخت کارروائی ہو گی۔

اس خبر پر اپنی رائے کا اظہار کریں

اپنا تبصرہ بھیجیں